خطة واحدة. سعر لكل طبيب. معلَن للجميع.
منظومة العيادة الكاملة بكل مزاياها — إدارة المرضى والمواعيد، موقع إلكتروني بحجز أونلاين، بوابة المريض وتطبيقه، والتحليلات — مشمولة لكل عيادة بلا استثناء. تدفع بعدد أطبائك فقط: بدون باقات، بدون مفاوضات، بدون عقود مخفية.
الإضافة الاختيارية الوحيدة
تذكيرات وتأكيدات المواعيد تُرسل للمرضى عبر واتساب — بمعدل نحو ٣٠ رسالة يومياً.
هوية موقع عيادتك
كل عيادة تحصل على موقع بحجز أونلاين — من أول طبيب، بدون استثناء. الفرق بالهوية فقط: بطبيب واحد الموقع على نطاق سنّك، وإذا صار عدد الأطباء ٢ أو أكثر ينتقل إلى دومين باسم عيادتك وبدون شعارنا.
جدول الأسعار — أربع خانات، لا غير
السعر لكل طبيب أسنان. اختر الخانة لتتغيّر الأسعار أعلاه.
بياناتك ملكك
ألغِ بأي وقت وصدّر كل شيء — الملفات، الصور، المحادثات — بأرشيف واحد يُعاد استيراده بالكامل. لا احتجاز، لا ابتزاز.
سعر معلن، فاتورة واضحة
ما ندير أسعارنا بالواتساب. اللي تشوفه هنا هو اللي يدفعه الجميع — عيادة المنصور وعيادة الحي سواء، وبنفس المزايا بالضبط.
دعم حقيقي، بالعربي
فريق عراقي يرد عليك، تدريب لكادرك، ونقل بياناتك بأيدينا. نجاح عيادتك هو منتجنا الفعلي.
أسئلة تسمعها منّا لأول مرة… لأن غيرنا ما يجاوب عليها
ليش تنشرون الأسعار وغيركم يخفيها؟
لأن السعر المخفي معناه سعر يتغيّر حسب الزبون. نحن نبيع ثقة قبل البرنامج: سعر واحد معلن يعني ما في زميل لك دفع أقل منك. هذا وعدنا وهو مطبوع هنا.
ليش السعر لكل طبيب، مو للعيادة؟
لأن عيادة بطبيب واحد ومركز بعشرة أطباء ما يستهلكون نفس الشي، ومو عدل يدفعون نفس الشي. السعر ٤٠ ألف د.ع لكل طبيب / شهرياً — تضرب بعدد أطبائك وخلص. عيادة بـ ٣ أطباء تدفع ١٢٠٬٠٠٠ د.ع شهرياً، وكل المزايا مشمولة لكل واحد منهم.
أكو مزايا محجوزة لباقة أغلى؟
لا. ما عدنا باقات أصلاً. بوابة المريض، تطبيق المريض، التحليلات، الموقع والحجز الأونلاين، شعار عيادتك وخلفية الواجهة — كلها مشمولة من أول طبيب. الشي الوحيد الاختياري المدفوع هو رسائل واتساب الصادرة، وتشغّلها أو تطفيها بضغطة.
شنو يصير إذا ألغيت اشتراكي؟
حسابك يتحول للقراءة فقط، وتصدّر كل بياناتك بأرشيف كامل (ملفات، صور، محادثات). احتفاظ بالبيانات ١٢ شهرًا — ترجع بأي لحظة وكأنك ما غادرت.
شلون أدفع، وشنو أربح بالاشتراك السنوي؟
بطاقة (فيزا/ماستر/كي كارد ماستركارد) للاشتراك الشهري أو السنوي، أو حوالة/دفع مباشر للسنوي. الاشتراك السنوي ينزل السعر إلى ٣٣٬٣٣٣ د.ع شهرياً لكل طبيب، وينقل بياناتك من الورق أو الإكسل مجاناً. الفاتورة رسمية وواضحة.
تُفعَّل الفوترة عند الاشتراك — الدفع يُدار بأمان خارج التطبيق.